१ सय १८ वर्षदेखि लगातार बलिरहेको ४ वाटको एउटा चिम

0 46

कार्तिक ०७, तपाईंले घरको चिम कति समयमा परिवर्तन गर्नुहुन्छ । तपाईंको सहज जवाफ हुनसक्छ, बढीमा एक दुई बर्ष । आजकाल आएका सिएफएल र एलइडी चिम बढीमा ५ बर्षसम्म टिक्ला । किनकी आम बिजुली बल्बहरु बढीमा ५ बर्षभन्दा बढी समयसम्म टिकाउँ हुँदैनन् । तर विश्वमा यस्तो पनि चिम छ जो १ सय १८ वर्षदेखि लगातार बलिरहेको छ ।

अमेरिकाको क्यालिफोर्निया राज्यको लिभरमोरमा रहेको दमकल केन्द्रमा एक चिम लगातार १ सय १८ बर्षदेखि बलिरहेको छ । यो चिमको अहिलेसम्म फ्युज गएको छैन ।

सेन्टेनियल नामले चिनिने यो अनौठो चिमलाई सेल्भई इलेक्ट्रोनिक्स कम्पनीले निर्माण गरेको थियो । जसलाई सन् १९०१ मा प्रयोगमा ल्याइएको थियो । त्यसयता १ सय १८ बर्षदेखि उक्त चिम आफै निभेको वा फ्युज गएको छैन ।

सन् १९३७ मा तार फेर्नका लागि सेन्टेनियल चिम एक पटक निभाइएको थियो । तर तार फेरिसकेपछि पुनः सो चिम बालियो । त्यस्तै सन् २०१३ मा उक्त चिम बल्न छाड्यो । तर त्यसबेला उक्त चिममा खराबी थिएन बिजुलीको तारमा आएको खराबीले चिम निभेको थियो ।

सेन्टेनियल चिम नामक उक्त चिमले संसारमा सबैभन्दा धेरै टिक्ने बिजुली चिमको रूपमा आफूलाई गिनिज बुक अफ वल्र्ड रेकर्डमा नाम लेखाइसकेको छ ।

उक्त ऐतिहासिक चिमलाई अहिले अमुल्य मानिएको छ । उक्त चिमको सुरक्षाका लागि मात्र सीसीटीभी क्यामरा जडान गरी निगरानी गरिँदै आइएको छ ।

चार वाट क्षमताको उक्त चिम चौबीसै घण्टा बलिरहन्छ । सन् २००१ मा उक्त चिमको एक सयौं जन्मदिन धुमधामसँग मनाइएको थियो । यो चिम अहिले धेरै ब्यक्तिका लागि आकर्षण केन्द्र बनेको छ । यसलाई हेर्न मात्रै अन्य देशका मानिससमेत आउने गर्दछन् ।

Get real time updates directly on you device, subscribe now.

Leave A Reply

Your email address will not be published.